Қозоғистон собиқ ички ишлар вазири, президентнинг собиқ маслаҳатчиси Ерлан Турғумбоев икки ойга ҳибсга олинди. Бу ҳақда республика Бош прокуратураси матбуот хизмати хабар берди.
30 апрель куни Остона ихтисослаштирилган тергов суди собиқ вазирга нисбатан икки ой муддатга ҳибсга олиш тарзидаги эҳтиёт чорасини қўллади. Турғумбоевнинг ҳибсга олинишига оид бошқа маълумотлар Қозоғистон Жиноят процессуал кодексининг 201-моддасига мувофиқ ошкор этилмайди. Тегишли модда дастлабки тергов маълумотлари очиқланишига йўл қўймайди.
Ерлан Турғумбоев Қозоғистонда 2022 йил январида бошланган норозилик намойишлари билан боғлиқ жиноий ишлар бўйича тергов доирасида 2024 йил 29 апрель куни қўлга олинди. Бош прокуратура Турғумбоев оғир оқибатларга олиб келган ҳокимият ва мансаб ваколатларини суиистеъмол қилганликда гумон қилинаётгани ҳақида хабар берди. Жиноят ишида “давлат сирини ташкил этувчи маълумотлар борлиги сабабли, терговнинг бошқа маълумотлари ошкор этилмади.
Изоҳ (0)