Орландо (Флорида штати, АҚШ) полицияси кеча, 11 июнь куни хонанда Кристина Гриммини отиб кетган шахснинг исмини ошкор этди. Бу ҳақда «Интерфакс» хабар бермоқда.
Орландо полицияси раҳбари Жон Минанинг маълум қилишича, қотил Сент-Петерсбург шаҳрида истиқомат қилган 27 ёшли Кевин Лойблдир.
Қотиллик мотивлари ҳанузгача ўрганилган эмас.
Илгарироқ Гримми Орландодаги концертидан сўнг номаълум шахс томонидан отиб кетилгани хабар қилинган эди. Гримми ва Before You Exit гуруҳи аъзолари концертдан сўнг мухлисларга дастхат бераётган эди. Шу пайт номаълум эркак қўшиқчига қарата ўқ узди. Кристинанинг акаси жиноятчини ушлаб қолишга ҳаракат қилди, аммо қотил ўзини ҳам отиб ўлдирди.
Шифохонага шошилинч олиб кетилган 22 ёшли қўшиқчи бир неча соатдан сўнг ҳушига келмай оламдан ўтди.
Изоҳ (0)