Обид Асомов «Shok.uz» сайтига берган интервьюсида фарзандлари билан Аваз Охуннинг концертига тушгани, лекин қизиқчининг гапларига умуман кулмаганини билдирганди. «Дийдор азиз» нашри таниқли сўз устасининг айтганларига муносабатини билиш учун Аваз Охун билан боғланди.
— Биласизми, сўз усталари, яъни ҳамкасбларимни кулдириш қийин. Чунки улар латифаларимизни эшитиб, камчилик ва ютуқларни таҳлил қилади. Мазза қилиб кулиш учун концертга сўз устаси, «мутахассис» бўлиб эмас, томошабин бўлиб тушиш керак, — дейди Аваз Охун. — Биз ҳам репетиция жараёнида унча-мунча ҳазилларимизга кулмаймиз. Санъаткор ҳамкасбининг гапларига кулмаса-да, юзига табассум югурмаса-да, «шу ерини боплабди, топиб гапирибди» дея тан бериши мумкин. Яқинда «Ҳандалак»чиларнинг концертига томошабин сифатида тушдим ва яхши маданий ҳордиқ чиқардим, юракдан яйраб кулдим.
Изоҳ (0)