Бир ҳафта ичида тахминан 3,5 фоизга қимматлашган нефть юқори кўрсаткичларни сақлаб қолмоқда, нархларни бозордаги ижобий кайфият ҳамда «айиқлар» (фонд биржасининг нархларни пасайтиришга ҳаракат қиладиган ўйинчилари)га оид хабарларнинг йўқлиги қўллаб-қувватламоқда, деб ёзади «Интерфакс».
Ҳафта аввалида Канада ва Нигериядан нефть еткаиб беришда узилишлар кузатилаётган бир пайтда статистика АҚШдаги захиралар камаяётганини кўрсатган эди.
Brent маркасидаги нефтнинг август фьючерслари Лондоннинг ICE Futures биржасида Тошкент вақти билан 9:55 га келиб, 0,4 фоизга — баррелига 51,74 долларгача арзонлашди.
Июлда етказиб бериладиган WTI маркасидаги нефть нархи эса Нью-Йорк товар биржасидаги электрон савдоларда бу вақтга келиб, 0,5 фоизга пасайиб, баррелига 50,32 долларгача тушди.
Изоҳ (0)