Рамзан Қодиров унинг отаси Аҳмад Қодиров номидаги жамоатчилик жамғармаси Рамазон ойи муносабати билан Дамашқда Суриянинг бошқа туманларидан минглаб қочоқлар учун текин нонушта ва кечки таомлар тарқатишини маълум қилди. Бу ҳақда «РБК» хабар бермоқда.
Чеченистон раҳбари вазифасини вақтинча бажарувчи Рамзан Қодиров Instagram’даги саҳифасида ёзишича, хайрия акцияси бутун Рамазон ойи давом этади. У Сурия пойтахти аҳолиси ва қочоқлар учун саҳарлик ва ифторлик ташкил этиш қарорини унинг онаси Аймани Қодирова қабул қилганлигини маълум қилди.
Қодировнинг сўзларига қараганда, ҳар тонг рўза тутишдан аввал 5 минг кишига нонушта, 20 минг кишига эса иссиқ кечки овқат тарқатилади. Таомлар мактаблар, шифохоналар, масжидлар ва қочоқлар лагерларида тарқатилади. Таомларни 30 та автомобиль ташийди. Нонушта ва кечки таомларни тарқатишда жамғарма билан бирга 30 нафар ошпаз ва 200 нафар кўнгилли ёрдамчи фаолият кўрсатади.