31 май куни Тошкентнинг «Шайх Зайниддинхон» масжидида Рамазон Умрасига борувчи зиёратчилар гуруҳ раҳбарлари учун амалий ўқувлар ташкил этилди. Бу ҳақда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг расмий сайти орқали маълум қилинди.
Таъкидланишича, ўқувлар давомида Дин ишлари бўйича қўмита, Ўзбекистон мусулмонлари идораси ҳамда Соғлиқни сақлаш вазирлиги ходимлари томонидан зиёратчиларга хизмат кўрсатилиши, ибодат давомида уларнинг соғлиғи эҳтиёт қилиниши юзасидан батафсил тушунчалар берилди.
Хабарномада қайд этиб ўтилишича, анъанага кўра, ўзбекистонлик зиёратчилар Мадина ва Макка шаҳарларидаги қулай ва шинам меҳмонхоналарга жойлашади. Жумладан, Мадинадаги меҳмонхона масжиддан 100–150 метр, Маккадагиси эса 1000–1500 метр узоқликда жойлашган бўлиб, зиёратчилар учун барча шароитлар ҳозирлаб қўйилган.
Умрачиларга ишчи гуруҳи, шифокор, ошпазлар ва гуруҳ раҳбарлари хизмат кўрсатади. Рўзадор зиёратчиларга саҳарлик ва ифторлик учун икки маҳал иссиқ овқат, чой ва бошқа ичимликлар тақдим этилади.
Изоҳ (0)