Техасда сув тошқини туфайли ҳукумат қамоқхона маҳбусларини эвакуация қилди

Американинг Техас штатида жала натижасида келиб чиққан сув тошқини штат ҳукуматини иккита қамоқхона маҳбусларини эвакуация қилиб, уларни бошқа жазо ўташ муассасаларига кўчиришга мажбур қилди, деб ёзади «ТАСС» штат Жиноий адолат бошқармасига таяниб. Маҳбуслар 29 май куни автобусларда камераларида бўш жой бўлган бир нечта турмаларга олиб борилди.

Маълумотларга кўра, дельтасида Терелл ва Спрингфеллоу қамоқхоналари жойлашган Бразос дарёси ўз қирғоқларидан тошиб кетган. Тошқин юз берган тақдирда юзага келадиган вазият олдини олиш мақсадида, маъмурият шошилинч эвакуация ўтказиш ҳақида буйруқ берди. Маҳбуслар вақтинчалик жойлаштирилган жазо ўташ муассасаларига қўшимча ичимлик суви ва озиқ-овқат захираси юборилди.

Аввалроқ Техасда сув тошқини қурбонлари сони тўрт кишига етгани хабар берилган эди, яна бир неча киши бедарак йўқолган.