БМТнинг Малидаги барқарорлашув бўйича кўп тармоқли мажмуали миссияси (МИНУСМА) таркибига кирувчи камида тўрт нафар тоголик тинчликпарварлари ушбу Африка мамлакатининг марказий қисмида ҳалок бўлди, дея хабар бермоқда «ТАСС» полицияга таяниб.
Ҳарбийлар маълум қилишича, ичида тинчликпарварлар бўлган автомобиль портловчи қурилма туфайли портлаб кетган. Ҳодиса Мопти ҳудудида содир бўлган.
МИНУСМАдагилар тоголик тинчликпарварлар ўлими фактини тасдиқлади. Полициядагилар ҳодисани «террорчилик ҳужуми» деб атади.