Бугун,

  • USD 11095.31
  • RUB 173.84
  • EUR 10772.44

The Guardian нашри Жеймс Гудфеллоу исмли ихтирочи ҳақида ҳикоя қилди, у 50 йил аввал банк мижозларига нақд маблағни автоматик тарзда чиқариб берадиган қурилма учун патент олган эди, деб ёзади «Vc.ru». Ҳозирги пайтда дунёда 3 миллиондан ортиқ банкоматдан фойдаланилса-да, Гудфеллоу ўз ғояси эвазига атиги 15 доллар ишлаб топди, холос.

Фото: «Vc.ru»

Фото: «Vc.ru»

У ўзининг ҳаёти ихтирочилар ва муҳандислар учун намуна бўлмаслиги керак, деб ҳисоблайди: Forbes миллиардерлар рейтингига киритилган Facebook асосчиси Марк Цукерберг Нью-Йорк, Калифорния ва Гавайида кўчмас мулклар сотиб олаётган бир пайтда, банкомат яратувчиси Шотландиянинг Пейсли шаҳрида тўрт хонали уйида яшайди.

Бироқ Гудфеллоу пулдан кўра, кўпроқ эътироф учун курашди — кўп йиллар давомида у банкоматлар яратувчиси сифатида кўрилмади. 2005 йилда Жон Шеперд-Берроу исмли киши «пул чиқариб берадиган автоматик қурилмани ихтиро қилгани» учун Британия империяси орденини қўлга киритди. 2006 йилда Гудфеллоунинг ўзи ҳам орден олди, аммо пин-код учун патент муаллифи сифатида.

Бироқ энди Британия ҳукумати банкомат яратувчиси мақоми айнан унга тегишли бўлиши кераклигига ишончи комил.

60 йиллар ўрталарида Гудфеллоу Smith Industries’нинг бўлинмаси — Kelvin Hughes компаниясида ишлаган. Унга банкларда иш куни тугаганидан сўнг одамларга пул тарқатиш усулини ўйлаб топиш вазифаси берилган.

«Мен йўл-йўлакай авторизация учун пин-кодлар ва шифрланган токенлар тизимини ўйлаб топган ҳолда, пул чиқариб берувчи автоматни яратдим», — деди Гудфеллоу. Токен тешикларга эга пластик карточка кўринишида эди. Мижоз маблағ олмоқчи бўлганида картани кардридерга солиб, авторизация учун ўн белгили пин-код териши керак эди. Тешикли карта борлигини ҳисобга олмаганда, ушбу тизим ҳозирда мавжуд банкоматларга ўхшайди.

Гудфеллоунинг прототипи бўйича яратилган биринчи автомат 1967 йилда Westminster Bank бўлинмасига ўрнатилди. Бироқ тахминан худди шу вақтда банкнотлар ишлаб чиқарувчи De La Rue компаниясида ишлайдиган Шеперд-Берроу уникига ўхшаш бўлган қурилмани яратди, унда идентификация учун радиоактив моддали чеклардан фойдаланилган. Гудфеллоу банкомат прототипи учун патентни 1966 йилда рўйхатдан ўтказган, Шеперд-Берроу эса ўз қурилмасини патентламай қўя қолган.

«Мен афсусланадиган ягона нарса — ўзим ҳақимда ҳеч қачон гапирмаганим. Шеперд-Берроу 2005 йилда, гўёки, ҳозирги банкоматлар учун асосни у яратгани учун мукофот олгунига қадар чурқ этмадим», — дея афсус билдирди Гудфеллоу.

Ихтирочи банкомат концептини у ўйлаб топмаганлигини тан олади, аммо ўзини ишлайдиган прототип муаллифи деб билади.

Айни пайтда Буюк Британия ҳукумати Гудфеллоуни нақд пул тарқатадиган автомат яратувчиси сифатида расман эътироф этган.

Гудфеллоу ўз ихитироси учун олган 15 доллар патентни рўйхатдан ўтказгани учун компания томонидан берилган мукофот пули эди. Ихтирочи уни 15 та мамлакат учун патентлади, мукофот пули ҳар битта ҳужжат учун 1 долларни ташкил қилди.

Изоҳ
Асосий янгиликлар
Маҳаллий
Ўзбекистонда 1 декабрь куни барча ҳудудларда коронавирус қайд этилди
Дунё
Фидел Кастронинг яширин ҳаёти, ўзини император деб эълон қилган Наполеон ва «кокаин барони» Эскобарнинг ўлдирилиши. Кун хронологиясида 2 декабрь
Дунё
Байден: «Путин Украинадаги урушни тугатишга қизиқиш билдирса, у билан гаплашишга тайёрман»