А серия. Мавсумни «Наполи» кумуш, «Рома» бронза медали билан якунлади

Футбол бўйича Италия А сериясининг етакчи клублари мавсумни якунлади.

• «Ювентус» кетма-кет бешинчи бор Италия чемпионлигини қўлга киритди

Муддатидан аввал чемпионликни қўлга киритиб бўлган Туриннинг «Ювентус» клуби «Сампдория» дарвозасига жавобсиз 5 та гол уришга муваффақ бўлди.

Кумуш медаллар учун кураш олиб борган «Рома» ва «Наполи» клублари ҳам 38-турда зафар қучди. «Наполи» Гонсало Игуаин хет-трик қайд этган беллашувда А серия билан хайрлашган «Фрозиноне»ни йирик ҳисобда мағлуб этди. Римнинг «Рома» клуби эса «Милан» майдонидан зафар қучиб қайтди.

Келаси мавсум Туриннинг «Ювентус», Неаполнинг «Наполи» ва Римнинг «Рома» клублари Европа Чемпионлар Лигасида иштирок этади.

«Милан» 38-турдаги мағлубияти сабаб олтиликка ҳам кира олмади. «Сассуоло» эса очколари сонини «Фиорентина»ники билан тенглаштириб олганига қарамай, 6-ўринда мавсумни якунлади. «Интер»га 4-ўрин насиб қилди.

Италия А серияси 38-тур беллашувлари 14 май, шанба

«Ювентус» — «Сампдория» 5:0

Голлар: Патрис Эвра, 5 (1:0). Пауло Дибала, 15-пен (2:0). Пауло Дибала, 37 (3:0). Жоржо Келлини, 77 (4:0). Леонардо Бонуччи, 85 (5:0).Четлатиш: Милан Шкриняр, 14 (С).

«Милан» — «Рома» 1:3

Голлар: Муҳаммад Салоҳ, 19 (0:1). Стефан Эль-Шаарави, 59 (0:2). Эмерсон, 82 (0:3). Карлос Бакка, 86 (1:3).

«Наполи» — «Фрозиноне» 4:0

Голлар: Марек Ҳамшик, 44 (1:0). Гонсало Игуаин, 52 (2:0). Гонсало Игуаин, 62 (3:0). Гонсало Игуаин, 71 (4:0).Четлатиш: Мирко Гори, 13 (Ф).

«Сассуоло» — «Интер» 3:1

Голлар: Маттео Политано, 6 (1:0). Лоренцо Пеллегрини, 26 (2:0). Родриго Паласио, 31 (2:1). Маттео Политано, 39 (3:1).Четлатиш: Жейсон Мурильо, 59 (I).