Туркиянинг Сурия билан чегарасида жойлашган Килис шаҳри ҳудудига иккита ракета тушди. Оқибатда бир киши енгил жароҳат олди. Бу ҳақда, Reuters агентлиги маълумотига таяниб, «РИА Новости» хабар берди.
Агентликнинг маълум қилишича, ракеталар Суриянинг ИШИД террорчилик гуруҳи томонидан назорат қилинувчи қисмидан учирилган.
Килис охирги ойларда бир неча марта Сурия билан чегарадош ҳудуддан ракета ҳужумига учради. Ҳужумлар оқибатида 20 га яқин киши ҳалок бўлди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.