АҚШ зирҳли техника колоннаси Dragon Pioneer 2016 машқларида иштирок этиш учун Молдова ҳудудига кирди. Бу ҳақда «РБК» хабар бермоқда.
«Публика» телеканалининг маълум қилишича, Молдова ва Руминия чегарасини мамлакат мудофаа вазирлиги расман эълон қилганидан кўра икки баробар кўп техника кесиб ўтган. Колонна таркибида аввал билдирилганидек 58 та эмас, 100 дан ортиқ зирҳли техника бўлган.
Fulger махсус бўлинмаси жангчилари мазкур машқлар тарафдорлари ва қарши томонлари ўртасидаги тўқнашувнинг олдини олгани айтилмоқда. Шундан сўнг колонна пойтахт Кишинёвдан 40 километр узоқликда жойлашган Негрешт полигонига йўл олган.
Изоҳ (0)