АҚШнинг дунёдаги энг йирик тасвирлар банкига эга фотоагентликларидан бири Getty Images Google қидирув тизимини қароқчиликка кўмак беришда айблади. Бу ҳақда «РБК» хабар бермоқда.
Getty Images қидирув тизими бозордаги етакчилик мавқейидан фойдаланиб, фотоагентлик ўзининг веб-сайтида пуллик асосда тақдим этадиган суратларни катта ҳажм ва юқори сифатда тарқатаётганлиги, 2013 йилгача эса тасвирлар кичик ўлчамда бериб келинганлигини даъво қилмоқда.
Google мазкур даъвога изоҳ беришдан бош тортган ва компания аксилмонопол қоидаларни бузганлигини инкор этган.
Getty бош юридик маслаҳатчиси Йоко Мияшита қидирув тизимининг ҳаракатлари компания сайтидан тасвирларни сотиб олиши лозим бўлган мижозлар йўқотилишига сабаб бўлаётгани ва «фойдаланувчиларни тасодифий қароқчиларга айлантираётгани»ни билдирмоқда. Агентлик вакиллари 27 апрель, чоршанба куни рақобат бўйича Европа комиссиясига расмий шикоят йўллаш ниятида.
Изоҳ (0)