Android’дан зудлик билан ўчириш керак бўлган 5 та дастур

«Лайфхакер» Android’дан зудлик билан ўчириш керак бўлган энг машҳур ва эски дастурларни санаб ўтди.

Facebook ва бошқа ижтимоий тармоқлар

Facebook ижтимоий тармоғи жуда кўп сонли тизим ресурсларини сарф қилади ва мобил гаджетнинг батареядан ишлаш муддатини анча қисқартиради. AVG Android App Report’нинг йиллик ҳисоботига кўра, айнан Facebook мобил дастури Android платформасидаги энг «ебтўймас» дастурлар рейтингида юқори ўринларни эгаллайди.

Бунинг ўрнига, Facebook мобил версиясини ҳар қандай замонавий браузер орқали кириб ишлатинг. Функциялари бироз фарқ қилса-да, батарея сарфи камайгани қолади.

The Weather Channel ва бошқа об-ҳаво дастурлари

Дастурдаги анимацияланган обойлар, метеорологик хариталар, интерактив виджетларнинг барчаси қурилманинг тезкор хотирасини эгаллайди, ҳар беш дақиқада интернетга уланади ва шу тариқа, батарея қувватини «еб қўяди».

Бунинг ўрнига Google’нинг об-ҳаво прогнозидан фойдаланиш мумкин, у бир ҳафта учун энг ишончли маълумотни тақдим этади.

AntiVirus FREE ва бошқа антивирус дастурлари

Телефонингизга бегона ва шубҳали манбалардан олинган дастурларни ўрнатмасангиз, антивирус сизга керак эмас. Google компанияси ўз дўконининг таркибини диққат билан назорат қилиб боради ва ундан потенциал хавфли бўлган элементларни дарҳол ўчиради, шу туфайли антивируснинг доимий фаол бўлган мониторинги смартфонингизни бекорга секинлаштиради.

Агар гаджетнинг «саломатлиги» бўйича қандайдир шубҳаларингиз пайдо бўлса, антивирус ўрнатинг, сканерланг, сўнг ўчириб ташланг.

Clean Master ва бошқа тизим оптимизаторлари

Бундай дастурларнинг кўпчилиги ё умуман ҳеч нарсани бажармайди, ё фақат зарар келтиради. Кэшни тозалаш, эски дастурлар қолдиқларини ўчиришни ички тизим асбоблари ёрдамида ҳам амалга ошириш мумкин. Хотирани тозалаш аслида Android ишини ва дастурлар ишга тушишини секинлаштиради, холос.

Дефолт браузер

Баъзи ишлаб чиқарувчилар ва четдан олинган прошивкалар ишлаб чиқувчилари ўз маҳсулотларини махсус браузер версиялари билан таъминлайди. Улар реклама берувчилар сайтларига линклар ва сизга керак бўлмаган бошқа контентга тўла бўлади. Бундай дастурни умуман ишлатмаган маъқул, мумкин бўлса, уни тизимдан ўчириб ташланг.