Футбол бўйича Ўзбекистон Олий Лигасида 6-турнинг 24 апрель санасидан жой олган беллашувлари ўз якунига етди.
6-турга қадар мағлубиятсиз етиб келган «Бухоро» ҳамда «Насаф» клубларининг ўзаро ўйинида Қарши клуби 3 очкони қўлга киритди. Қайд этиш керак, учрашувнинг 48-дақиқасида мезбонлар аъзоси Руслан Мелзиддинов пенальтидан аниқ фойдалана олмади.
«Қўқон—1912» майдонига сафар уюштирган «Қизилқум» клуби кетма-кет иккита дурангдан сўнг, йирик ғалабага эришди. Сўнгги икки турни Навоий клуби «Обод» ҳамда «Пахтакор»га қарши ўтказиб, жами 4 очко йўқотганди. 6-турдан кейин «Қизилқум» мағлуб бўлмаган жамоалар қаторида бормоқда.
Тошкентнинг «Локомотив» клуби етакчи футболчилари томонидан киритилган голлар эвазига Ғузордан ғалаба билан қайтди. Бу Тимур Кападзе учун 2016 йилги мавсумда биринчи гол бўлса, Сервер Жепаров «Машъал»га қарши ўйинда ҳам тўп киритишнинг уддасидан чиқа олганди.
6 та ўйиннинг барчасида мағлуб бўлган «Шўртан» турнир жадвалида сўнгги ўриндан жой олган. 5-турдан кейин бош мураббийнинг истеъфога чиқарилиши ҳозирча самара бермади. «Шўртан» Олий Лигадаги аввалги иштироклари билан солиштирганда энг ёмон натижасини қайд этмоқда.
Турнир жадвалида бир йўла уч клуб 16 тадан очко жамғарган: «Локомотив», «Бунёдкор» ва «Насаф». «Қизилқум» 14 очко билан 4-ўриндан жой олган.
9 очко билан еттинчи бўлиб турган «Пахтакор» 25 апрель куни 12 очко жамғаришга эришган «Металлург»ни қабул қилади.
Ўзбекистон Олий Лигаси 6-тур беллашувлари 24 апрель, якшанба«Қўқон—1912» — «Қизилқум» 0:3
Голлар: Вячеслав Шевченко, 15 (0:1). Шерали Жўраев, 62 (0:2). Баҳриддин Ваҳобов, 64 (0:3).Ноаниқ пенальти: Отабек Ҳайдаров, 71 (Қ).«Олмалиқ» — «Навбаҳор» 2:1
Голлар: Арслонмурод Омонов, 4 (1:0). Фарҳод Тожиев, 23 (2:0). Анвар Ражабов, 65 (2:1).«Шўртан» — «Локомотив» 0:2
Голлар: Тимур Кападзе, 8 (0:1). Сервер Жепаров, 77 (0:2).«Бухоро» — «Насаф» 0:2
Голлар: Шерзод Аъзамов, 9 (0:1). Азамат Алланиёзов, 90 (0:2).Ноаниқ пенальти: Руслан Мелзиддинов, 48 (Б).25 апрель, душанба«Пахтакор» — «Металлург»
Изоҳ (0)