«Барселона» ҳужумчиси Луис Суарес Хихоннинг «Спортинг» жамоасига қарши (6:0) Испания чемпионати 35-турида тўртта гол киритиб, Ла Лига тарихида қаторасига иккита ўйинда тўртта гол киритган илк футболчига айланди , деб хабар беради «Uff.uz».
«Депортиво»га қарши (8:0) 34-турда уругвайлик футболчи тўртта гол ва учта голли узатма муаллифи бўлганди. Ушбу голлардан сўнг Луис Суарес каталонияликлар учун барча мусобақаларда киритган голлари сони 53 тага етди.
«Чемпионат» нашрининг хабар беришича, 29 ёшли ҳужумчи «Барселона» таркибида бир мавсум давомида 50 ва ундан ортиқ гол киритган иккинчи футболчи бўлди. Бундан аввал бундай кўрсаткичга фақат Лионель Месси эришган. Аргентиналик спортчи тўрт мавсумда 50 ва ундан ортиқ гол киритишга муваффақ бўлган.
Испания чемпионати доирасида Суареснинг голлари сони 34 тага (3 таси пенальтидан) етди. Тўпурарлар рўйхатида иккинчи ўринда бораётган «Реал» ҳужумчиси Криштиану Роналду ҳисобида 31 та гол (6 таси пенальтидан) мавжуд.
Мавзуга оид: