Футбол бўйича Англия Премьер-лигаси 35-туридан кейин пешқадам «Лестер» биринчи чемпионлик учун яна 1 та қадам ташлади.
34-турга келиб «Лестер» ўз майдонида «Вест Ҳэм»ни мағлуб эта олмаган, қўшимчасига клуб тўпурари Жейми Варди ҳакам томонидан майдондан четлатилганди.
35-турга келиб Клаудио Раньери Вардини қайдномага кирита олмасди. Шунга қарамай «Лестер» 4 та гол фарқи билан зафар қучди. «Суонси»га қарши беллашувда Леонардо Ульоа дубл қайд этган бўлса, Риёд Маҳрез ва Марк Олбрайтон бир мартадан зафар қучди.
Мазкур ғалабадан кейин «Лестер» очколари сонини 76 тага етказиб олди. Иккинчи ўринда бораётган «Тоттенҳэм» 68 очко жамғарган.
«Лестер» навбатдаги турни 1 май куни «Манчестер Юнайтед»га қарши «Олд Траффорд» стадионида ўтказади.
Англия Премьер-лигаси 35-тур беллашувлари 24 апрель, якшанба
«Лестер» — «Суонси» 4:0
Голлар: Риёд Маҳрез, 10 (1:0). Леонардо Ульоа, 30 (2:0). Леонардо Ульоа, 60 (3:0). Марк Олбрайтон, 85 (4:0).«Лестер»: Каспер Шмейхель, Дэнни Симпсон, Кристиан Фукс, Уэс Морган, Роберт Хут, Жеффри Шлупп (Марк Олбрайтон, 82), Н’Голо Канте, Дэниел Дринкуотер, Риёд Маҳрез, Синдзи Оказаки (Демарай Грей, 83), Леонардо Ульоа (Энди Кинг, 79).25 апрель, душанба«Тоттенҳэм» — «Вест Бромвич»
Изоҳ (0)