Кўпроқ Принс номи билан машҳур мусиқачи Рожерс Нельсон ўлимидан олти кун аввал гиёҳвандлик воситаларини ортиқча дозада қабул қилганлик учун даволанган. Бу ҳақда, TMZ нашри маъумотига таяниб, «Газета.ru» хабар беради.
Нашрнинг маълум қилишича, 15 апрель куни Принснинг самолёти Иллинойс штатидаги Молин шаҳрида шошилинч қўнишга мажбур бўлган. Бир муддат шифохонада ётиб чиққан қўшиқчи эртаси куниёқ концертда чиқиш қилган. Ўшанда унинг вакили артист гриппга қарши даволанаётганлигини маълум қилган. Бироқ TMZ нашри манбаларининг таъкидлашича, унинг шифохонага ётқизилишининг асл сабаби гиёҳвандлик воситаларини ортиқча дозада қабул қилиш бўлган.
Миннесота штати ҳукумати қўшиқчи ўлимининг асл сабабини аниқлаш учун Молиндан касалхона қайдларини олишга ҳаракат қилаётганлиги таъкидланмоқда.
Эслатиб ўтамиз, аввалроқ Рожерс Нельсон 57 ёшида оламдан ўтганлиги ҳақида маълум қилинган эди.
Изоҳ (0)