Чусовитинанинг еттинчи Олимпиадаси, қоидабузар Cobalt сабаб ишсиз қолган трамвайчи, ўзбекистонлик Иккинчи жаҳон уруши қатнашчилари учун пул мукофоти ва куннинг бошқа муҳим янгиликлари

18 апрелнинг эътиборга молик хабарлари — «Дарё»нинг кечки дайжестида.

1. Хотира ва қадрлаш куни муносабати билан Иккинчи жаҳон уруши қатнашчилари пул мукофоти билан рағбатлантирилади. Ўзбекистон Президенти Ислом Каримов бу ҳақдаги фармонни 18 апрель куни имзолади.

2. Оксана Чусовитина фаолиятидаги еттинчи Олимпиада ўйинларига йўлланмани қўлга киритди. Умуман, ўзбекистонлик спортчилар томонидан Рио–2016 ўйинларига қўлга киритилган йўлланмалар сони 65 тага етди.

3. Тошкентнинг Самарқанд дарвоза кўчасида қолдирилган Cobalt сабаб трамвай ҳайдовчиси ишдан ҳайдалди. Бу трамвайчилар билан боғлиқ ягона нохуш хабар эмас — 20 апрелдан 9- ва 13-трамвай йўналишлари ёпилади.

4. 19 апрелда бутун Ўзбекистон бўйлаб ёғингарчилик кузатилади. Алоҳида ҳудудларда ёғингарчилик кучли бўлиши кутилмоқда, момақалдироқларни эса, ваъда беришларича, мамлакатнинг ҳар бир нуқтасида эшитиш мумкин бўлади.

5. Бедор дунё: Таиландда Сонгкран фестивали бўлиб ўтган бир ҳафта мобайнида 440 дан ортиқ одам автоҳалокатлар қурбони бўлди, Мьянмадаги Тинжан сув фестивали давомида 36 киши ҳалок бўлди, Афғонистонда сув тошқини оқибатида 30 дан ортиқ киши ҳалок бўлди, Эквадордаги зилзила қурбонлари сони 272 кишига етди.