Тошкентда Google LG Electronics компанияси билан ҳамкорликда ишлаб чиқарган Nexus 5X сотувга чиқди, деб хабар беради «Mobinfo.uz».
Аслини олиб қараганда, смартфонни 2014 йилда чиқарилган Nexus 5 нинг такомиллашган кўриниши дейиш мумкин. У пластик корпусга ҳамда диагонали 5,2 дюйм, Full HD (1080 × 1920, 424 ppi) ечимли IPS-матрицага эга.
Nexus 5X’нинг «юраги» олти ядроли ва Adreno 418 графикали Qualcomm Snapdragon 808 чипи ҳисобланади. У 2 Гб оператив ва 16/32 Гб ички хотирага эга. Камералар борасида LG Nexus 5X аввалроқ сотувга чиққан Nexus 6P’нинг ўзи, бармоқ изи сенсори, олди панелдаги стереодинамикка ҳам эга. Смартфон Android 6.0 Marshmallow операцион тизими асосида ишлайди.
Тошкентдаги «Флешка» савдо мажмуасида Nexus 5X 2,4 миллион сўмга таклиф қилинмоқда. Қиёс учун, яқинда Nexus 6P смартфони 3,4 миллион сўмдан сотилаётган эди.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)