LG кир ювиш машинаси устида қурилган қартали уй Гиннеснинг рекордлар китобидан жой олди

Кир ювиш машинасининг LG Centum™ тизими қарийб барча вибрация ва шовқинларни йўққа чиқаради.

2016 йилнинг 7 апрель куни Сеулда LG Electronics (LG) компанияси ва профессионал қарта меъмори Брайан Берг энг баланд қартали уйни қуриш бўйича янги жаҳон рекордини ўрнатди. Ажабланарли томони, 3,3 метр баландликдаги рекордчи конструкция ишлаб турган LG Centum кир ювиш машинаси устида, 12 соат давомида қурилган — ишлаш пайтида машинанинг барабани бир дақиқада 1000 марта айланган.

Гарвард университети битирувчиси ҳисобланган меъмор Брайан Берг қарталардан конструкциялар ясашни 8 ёшида бошлаган бўлиб, LG билан ҳамкорликда оддий ўйин қарталаридан 48 қаватли иншоотни бунёд этиб, рекорд ўрнатишни режалаштирмоқда.

«Биз ўз ниятига етган ва баъзи замонавий маиший қурилмалардаги технологик инновацияларга эътиборни жалб қилган Брайан учун жуда хурсандмиз. Маиший техника энди шовқинли ва асабга ўйновчи қурилма сифатида эмас, балки ҳар бир интерьерда ҳеч кимни безовта қилмайдиган оилавий шерик сифатида қабул қилиниши керак. Қайд этилган рекорд мазкур ғояни етказиш учун ижодий восита бўлиб хизмат қилди», — деди LG Electronics Home Appliance & Air Solutions компанияси президенти ва директори вазифасини бажарувчи Жо Сон-Чжин.

LG компаниясининг ажабтовур Centum™ технологиясида автомобилларда қўлланиладиган, амортизатор билан таъминланган янги демпфирик тизимдан фойдаланган. Бу бак тизимидаги вибрация ва шовқин даражасини сезиларли равишда камайтиради.

Ташқаридаги бакни қувватловчи одатий пружиналардан воз кечган Centum System™ маиший техника бозоридаги энг сокин (шовқинсиз) режими билан мақтана олади, бунда у атиги 67 dB даражали шовқин чиқаради — бу оддий суҳбат чоғидаги товушга тенг. Ҳаракатланувчи қисмларнинг камлиги туфайли, кўплаб машиналарнинг эскиришига асосий сабаб бўлаётган қирилиш жараёни камайди.

LG ўз технологиясига шу қадар ишонадики, Centum System™ кир ювиш машиналаридаги Inverter Direct Drive двигателларига 20 йиллик кафолат беради — бу саноат стандартидан икки баробар кўп деганидир.

Реклама ҳуқуқи асосида. Маҳсулот сертификатланган