Ўзбекистонда Apple компаниясининг энг ихчам смартфони — iPhone SЕ сотила бошлади, дея хабар бермоқда «Mobinfo.uz».
Пойтахтдаги мобил техника бозорлари сотувчилари сўзларига кўра, янги қурилманинг пайдо бўлиши харидорлар орасида шов-шув келтириб чиқармаган, бунга моделнинг дастлабки нархи жуда баланд эканлиги сабабчидир, дейилади хабарда.
Эслатиб ўтамиз, 21 мартда расман намойиш этилган iPhone SЕ 12 мегапикселли қўш вспишкали камера билан жиҳозланган, у 63 мегапикселгача бўлган панорамали тасвирни тушириш, шунингдек, 4К сифатидаги видеоларни олишга қодир. Apple қурилмада анча тезкорроқ Wi-Fi ва LTE бўлишини, батареяси эса iPhone 5S’дан кўра кўпроқ вақт ишлашини ваъда қилмоқда.
Тошкентда iPhone SЕ 3,9—4 миллион сўм нархда таклиф қилинмоқда.
АҚШда эса iPhone SE’нинг нархи 16 гигабайтли версия учун 399, 64 гигабайтлиси учун эса 499 долларни ташкил этади. Смартфон учун олдиндан буюртмалар 24 мартда очилди, савдолар эса 31 мартда бошланди.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)