Буюк Британияда 1962—1965 йилларда чиқарилган уч ғилдиракли Peel P50 митти автомобили Флоридада бўлиб ўтган RM Sotheby’s аукционида сотилди. Исми-шарифи ошкор этилмаган харидор «дунёдаги энг кичик машина» дея тан олинган автомобиль учун 176 минг доллар тўлади, дея хабар беради Motor.
Мазкур автомобиль шу кунгача сақланиб қолган 26 та (жами 47 дона чиқарилган) Peel P50 дан бири эканлиги айтилмоқда.
Peel P50 Top Gear автошоуси туфайли танилган: 2007 йилда эфирга узатилган шоуда бошловчи Жереми Кларксон митти машинада телевидение офисида сайр қилганди.
Изоҳ (0)