Тошкент шаҳрининг Шота Руставели кўчасида, Жанубий вокзал яқинида, Vega супермаркети қаршисидан ўтган йўлда кучли ёғингарчилик оқибатида чўкма ҳосил бўлди. Бу ҳақда Facebook’даги «Водители Ташкента» гуруҳи фойдаланувчиларидан бири маълумот берди.
«Жанубий вокзалда 3D фото чиза бошладилар. Тошкентда биринчи марта!», — деб ёзади фойдаланувчи киноя билан. Хабарга воқеа жойидан олинган фотосурат илова қилинди.
Асфальт чўкиши ижтимой тармоқда кенг муҳокамага сабаб бўлди. Муҳокама иштирокчилари вазиятнинг келиб чиқишига сабабчи бўлган мутасаддиларни танқид остига олди.
Изоҳ (0)