Ўзбекистонда 19 март, шанба куни ҳаво ўзгариб туради, айрим ҳудудларда ёмғир ёғиши кутилмоқда. Бу ҳақда «Ўзгидромет» маркази хабар берди.
19 мартга ўтар кечаси ҳаво ҳарорати Ўзбекистоннинг тоғли ҳудудлари -3 даражагача, қолган ҳудудларда эса 0...+3 даражагача совиши тахмин қилинмоқда. Айни вақтда, ҳаво ҳарорати кечаси ҳудудга қараб +2 даражадан +8 даражагача кўтарилиши мумкин.
19 март куни кундузи тоғли ҳудудларда +8 даражагача, Фарғона водийси вилоятларида +13 даражагача, Қорқалоғистон Республикаси, Хоразм, Бухоро, Навоий вилоятлари ва Тошкент шаҳрида +15 даражагача илиқ бўлади.
Тошкент, Самарқанд, Жиззах, Сирдарё вилоятлари ва Ўзбекистон жануби — Қашқадарё ва Сурхондарёда шанба куни ҳаво ҳарорати +13...+18 даража илиқ бўлиши кутилмоқда.
19 март куни Тошкент, Самарқанд, Жиззах, Сирдарё, Андижон, Наманган, Фарғона вилоятларининг айрим ҳудудлари ва Тошкент шаҳрида қисқа муддатли ёмғир ёғиши мумкин. Шунингдек, Ўзбекистоннинг тоғли ҳудудларида ҳам ёғингарчилик кутилади, мамлакатнинг қолган ҳудудларида ёмғир ёки қор ёғиши кутилмаяпти.
Изоҳ (0)