Европа футбол иттифоқи (УЕФА) штаб-квартираси жойлашган Швейцариянинг Нён шаҳрида 18 март, жума куни Чемпионлар Лигасининг чорак финал босқичига қуръа ташлаш маросими бўлиб ўтади. Маросим UzReport телеканали орқали тўғридан-тўғри трансляция қилинади, деб хабар беради UzReport.
16 март куни бўлиб ўтган ўйинлар натижасига кўра, чорак финалнинг барча иштирокчилари номи маълум бўлди. Унга кўра, Испаниянинг 3, Германиянинг 2, Франция, Португалия ва Англиянинг 1 та жамоаси чорак финалга йўлланма олди. Булар: «Барселона», «Бавария», «Реал Мадрид», «Атлетико Мадрид», «Манчестер Сити», «ПСЖ», «Вольфсбург» ҳамда «Бенфика».
18 март, жума куни Тошкент вақти билан соат 16:00 да бошланадиган қуръа ташлаш маросимида иштирокчи клублар саватчаларга ажратилмайди. Чорак финалнинг 5–6 апрель кунлари бўлиб ўтадиган дастлабки учрашувлари саватчадан биринчи бўлиб олинган жамоа майдонида кечади.
Изоҳ (0)