Hindistonning Bangalor shahridagi Ulsur ko‘li qirg‘og‘ida minglab o‘lik baliq topilmoqda. Bunga suvning ifloslanishi sabab bo‘lgan, biroq mahalliy rasmiylar vaziyatni o‘nglashga harakat qilayotgani yo‘q, deya xabar beradi National Geographic.
Hindistondagi qadimiy va yirik ko‘llardan biri Ulsurni oqava suvlardan ajratib turuvchi to‘g‘on buzilgandan beri uning qirg‘oqlarida keyingi ikki yildan beri o‘lik baliqlar topilmoqda. To‘g‘on tuzatilgani yo‘q, oqibatda Ulsurga katta hajmda tozalanmagan oqava suvlar kelib tushmoqda. Ular esa o‘z navbatida suv havzasini gilam kabi qoplab oladigan eyxorniya (yoki suv giatsinti) o‘simligi avj olishiga sabab bo‘lib, baliqlar bunday sharoitda bo‘g‘ilib qolmoqda.
Mahalliy baliqchilar yaqingacha har mavsumda 100 kilogrammgacha baliq ovlab, mintaqa bozorlarini yangi mahsulot bilan ta’minlab kelayotgandi. Endi ular ishsiz qoldi, chunki tutilgan baliq inson salomatligi uchun xatarli ekanligi aytilmoqda: zaharlangan suv tufayli ular xavfli kasalliklar tashuvchisi bo‘lishi mumkin.
https://www.youtube.com/watch?v=DNxDBdq7XLQ
Izoh (0)