Facebook тақдим лайк муқобиллари юзасидан Meduza савол-жавоб тайёрлади.
Нима бўлди?
Facebook лайкнинг бешта муқобилини тақдим этди. Энди «Менга ёқди» (Like)дан ташқари юракча («Супер!»), кулгу («Ха-ха!»), кўз ёш («Ҳамдардман»), ғазаб («Жуда ёмон») ва ҳайрат («Қойил!») кўринишидаги бешта эмодзидан бирини танлаш мумкин.
Бу нима учун керак?
Фойдаланувчи Facebook’даги постларга турлича ҳис-туйғу билдира олиши учун. Ҳар ҳолда, Facebook’дагилар мазкур янгиликни шундай изоҳламоқда. Бир қатор фойдаланувчилар баъзи постлар, масалан, бирор қайғули хабар остида лайк қолдириш номақбул экани юзасидан шикоят қиларди. Шу сабабли ҳам бу каби хабарларга лайк кўринишида муносабат билдирилмас ёки комментларда: «Нега ‘Ёқмади’ тугмаси йўқ?!» ёки «Умуман лайк эмас (» каби фикрлар қолдириларди.«Менга ёқмади» белгиси қани?
У йўқ. Эҳтимол, унинг ўрнига «Жуда ёмон!»ни ишлатиш мумкин бўлса керак.Бир вақтнинг ўзида иккита муносабат билдирса бўладими? Дейлик, «Ха-ха!» ва «Жуда ёмон»?
Йўқ, мумкин эмас.Янги белгиларни лайкларни бекор қилгандек бекор қилса бўладими?
Ҳа, бўлади. Масалан, сиз «ҳамдардман» деган белгини қўйдингиз, кейин ўйлаб кўриб, фикрингиздан қайтсангиз, шунчаки белги устига босасиз — ҳаммаси лайкларда бўлгани каби.Агар «Жуда ёмон» белгисини қўйсам, бу қолдирилган хабар матнига қаратилган бўладими ёки унинг муаллифига?
Буниси номаълум. Бунинг учун янги белгилар амалиётда қандай ишлашини, одамлар бу белгилардан қандай фойдаланишини кузатиш керак.Фикрлар (комментлар)га янги белгилар билан муносабат билдирса бўладими?
Йўқ, комментларда ҳаммаси аввалгидек қолган. Уларга муносабатни фақат лайк билан билдириш мумкин.Лайклар сонини энди қандай ҳисоблаймиз?
Facebook постингиз остида қолдирилган белгиларнинг умумий сонини кўрсатади. Шундай экан, «бу фотосурат икки мингта лайк тўплади!» дейиш ўрнига, энди «бу фотосурат икки минг белги тўплади» ёки «икки минг муносабат тўплади», дейиш мумкин. Лекин, катта эҳтимол билан, фойдаланувчилар ҳали узоқ вақт давомида янги белгиларни лайк деб атайди.Менинг постимга нечта ҳар хил белги қўйилганини қандай биламан?
Бунинг учун пост остидаги лайкларнинг умумий сони устига босиш керак. Постингизга муносабат билдирган фойдаланувчилар рўйхатини кўрсатувчи алоҳида ойна очилганидан сўнг, унинг юқори қисмида қайси белги неча марта қўйилганини кўриш мумкин бўлади.
Изоҳ (0)