LG компанияси янги G5 смартфони ва Friends концепциясини тақдим этди

LG компанияси Mobile World Congress 2016 кўргазмасида янги G5 смартфони ва Friends концепциясини намойиш этди.

Модуль туридаги биринчи LG смартфони

LG G5 янги силлиқ дизайнга эга, металл корпуси эса кўчма батарея ва модулли конструкцияни ўз ичига олади. LG Friends қурилмалари билан биргаликда, G5 смартфони рақамли камера, Hi-Fi плеер ва бошқаларга айланиши мумкин.

CAMPlus модули

LG CAMPlus универсал камера модули бўлиб, у батарея бўлмаси орқали уланиши мумкин, бу алоҳида камерадаги каби қулайликни таъминлайди. LG G5’га уланганида, модуль 1200 мА/соатли қўшимча аккумулятор сиғимини беради, бу суратга олиш вақтини узайтиради.

B&OPlay’ли LG Hi-FiPlus модули

У Hi-Fi рақамли-аналогли ўзгартиргичга эга кўчма аудиоплеердир. У 32 битли ва 384 кГц юқори частотасига эга товушларни ҳам кўтара олади. Уни бошқа смартфон ёки шахсий компьютерга ҳам улаш мумкин.

Экстремал кенг бурчакли объектив ва мукаммаллаштирилган фойдаланувчи интерфейси

LG G5 орқа панелида иккита камера жойлашган — бири 78 даражали стандарт объективга, иккинчиси эса 135 даражали кенг бурчакли объективга эга. Кенг бурчакли объектив суратга олинаётган манзара майдонининг иложи борича каттароқ қисмини қамраб олишга ёрдам беради.

Кенг турдаги бирга ишлайдиган қурилмалар

Экотизим доирасида LG компанияси LG Friends деб номланувчи «ҳамроҳ» қурилмаларнинг кенг турини тақдим этади.

360 VR модули

У виртуал реаллик кўзойнаги бўлиб, G5 смартфонига махсус кабел ёрдамида уланади ва визуал равишда 2 метр масофада 130 дюймли телевизорни яратади.

360 CAM модули

Ушбу модуль иккита 13 мегапикселли, 200 даражали кенг бурчакли камера, 1200 мА/соат сиғимли аккумулятор, 4 Гб ички хотира билан жиҳозланган 360 даражали бурчакка эга ихчам камерадир. У LG G5’га осонгина уланади ва фойдаланувчиларга 360 даражада контент яратиш имконини беради.

RollingBot модули

Модуль ички 8 мегапикселли камераси ёрдамида видео ва суратга олиш чоғида копток каби думалайди. Уни уй учун мониторинг тизими, шунингдек, масофадан туриб бошқариш пульти сифатида қўллаш мумкин.

Асосий хусусиятлари

LG G5 смартфони Qualcomm Snapdragon 820 процессори, 5,3 дюймли 2560×1440 пикселли дисплей, 4 Гб тезкор ва 32 Гб ички хотира (+microSD), 16 мегапикселли асосий, 8 мегапикселли кенг бурчакли, 8 мегапикселли олд камера, 2800 мА/соат сиғимли батареяга эга. У Android 6.0 Marshmallow операцион тизимида ишлайди.

Реклама ҳуқуқи асосида