Сурхондарё вилояти маъмурий маркази Термиз шаҳрида 23 февраль, сешанба куни ҳаво ҳарорати +26 даражагача кўтарилди. Бу ҳақда «Ўзгидромет» маркази хабар бермоқда.
Бу метеорологик кузатувларнинг 23 февраль тарихи бўйича Термиз шаҳрида қайд этилган янги рекорддир. 23 февраль тарихидаги бундан аввалги энг юқори ҳарорат 1963 йилда қайд этилган бўлиб, ўшанда ҳаво ҳарорати +24,6 даражагача кўтарилган эди.
Термизда 2016 йил давомида бунгача ҳам — 24 январь куни ҳаво ҳароратининг илиқлиги бўйича рекорд қайд этилган эди. Ўшанда ҳаво ҳарорати +19,9 даражагача кўтарилиб, 1963 йил 24 январидаги рекорддан +0,01 даража ўтиб кетганди.
Аввалроқ, 22 февраль куни Тошкент шаҳрида ҳаво ҳароратининг илиқлиги бўйича 121 йил аввалги рекорд янгилангани ҳақида хабар берилган эди.
Изоҳ (0)