Ўзбекистон президентининг 18 февралдаги қарори билан Озиқ-овқат саноати корхоналари ассоциацияси тугатилиб, «Ўзбекозиқовқатхолдинг» холдинг компанияси ташкил қилинади. Бу ҳақда Қимматли қоғозлар бозорини мувофиқлаштириш ва ривожлантириш маркази расмий сайти хабар бермоқда.
Қарорга кўра, «Ўзбекозиқовқатхолдинг» ХКнинг устав капитали тугатилаётган Ассоциация таркибига кирувчи корхоналар устав фондларидаги давлатга тегишли акция пакетлари баланс қийматида ўтказилиши ҳисобидан шаклланади.
Шу билан бирга, Ассоциация холдингга ўз ҳуқуқ ва мажбуриятларини, шу жумладан, баланс қиймати бўйича мулкларини беминнат топширади.
Ҳужжат орқали холдингнинг ташкилий тузилмаси, 50 кишилик бошқарув персоналига эга ижро этувчи аппарати тузилмаси тасдиқланди. Бундан ташқари, холдинг таркибига кирувчи корхона ва ташкилотлар рўйхати (жами 176 та) тасдиқланди.
Изоҳ (0)