Toyota корпорацияси хавфсизлик камарларида аниқланган муаммолар туфайли дунё бўйлаб 2,87 миллион дона автомобилини чақириб олади. Бу ҳақда Reuters берган маълумотларга асосан «РБК» хабар қилмоқда.
Маълум қилинишича, автомобилга ўрнатилган камарлар йўл-транспорт ҳодисаси рўй берганда ўриндиқнинг темир каркасларига тегиб зарар кўриши мумкин.
2005 йил июль ойидан 2014 йил август ойига қадар ишлаб чиқарилган ва дунё бўйлаб сотилган RAV4 SUV русумли машиналар ҳамда 2005 йил октябрь ― 2016 йил январь ойлари давомида Японияда сотилган Vangurad русумли автомашиналар чақириб олинади.
Чақириб олинадиган жами 2,87 миллионта автомобилдан 1,4 миллионтаси Шимолий Америкага, 625 мингтаси Европага, 434 мингтаси Хитойга, 177 мингтаси Японияга ва 307 мингтаси бошқа ҳудудларга тўғри келмоқда.
Эслатиб ўтамиз, Toyota Motor Corp. компанияси ойна кўтаргичларини бошқарувчи мосламада аниқланган муаммолар туфайли, дунё бўйлаб 6,5 миллионта автомобилни, шу жумладан, Corolla моделларини ҳам чақириб олаётгани хабар қилинган эди.
Изоҳ (0)