Токио округ суди ўтган йили Япония пойтахти марказидаги бош вазир қароргоҳи томи устига учувчисиз қурилма — дронни қўндирган 41 ёшли ишсиз Ясуо Ямамотони ижросини кейинга суриш шарти билан 2 йилга озодликдан маҳрум этди. Бу ҳақда «ТАСС» хабар бермоқда.
Дронга алангаланувчи модда ва «Фукусима-1» АЭС ҳудудидан олинган тупроқ солинган пластик идиш бириктирилганди. Суд буни давлат ҳокимияти фаолиятига тўсқинлик, деб топди ва адвокатларнинг «айбланувчи бор-йўғи атом энергетикасига қарши норозилигини билдирмоқчи» бўлгани ҳақидаги эътирозларини қабул қилмади. Учувчисиз қурилма эса мусодара этилди.
Ижрони кейинга қолдириш жазога ҳукм этилган шахс маълум муддат давомида бошқа ноқонуний ҳаракатларни амалга оширмаса, жазо бекор қилинишини англатади.
Изоҳ (0)