1997 йили Россия бош вазирининг ўринбосари, ундан олдинроқ эса Россия давлат мулкини бошқариш қўмитаси раиси сифатида фаолият кўрсатган, айни пайтда хорижда истиқомат қилаётган Альфред Кох халқаро қидирувга берилди. Бу ҳақда Meduza хабар бермоқда.
Кох халқаро қидирувга сиртдан берилган. Олдинроқ собиқ арбоб маданий ашёлар контрабандасида айбланиб, унга нисбатан федерал қидирув эълон қилинганди.
Альфред Кох 2014 йилда Россиядан Германияга кетаётганида буюмлари орасида бўлган картина мусодара этилган. Ўзининг таъкидлашича, кейинчалик Федерал хавфсизлик хизмати картинани қалбаки деб топган, бироқ 200 минг рублга баҳолаган.
Москва шаҳар суди матбуот хизмати 16 февраль, сешанба куни Лефортово судининг ушбу қарори устидан шикоят кўриб чиқилишини маълум қилди.
Изоҳ (0)