Туркияни Сурия ҳудудларига бомба ташлашни тўхтатишга чақирган Франция ташқи ишлар вазирлигига расмий Анқара томонидан норозилик билдирилди. Бу ҳақда Reuters агентлигига таянган ҳолда «ТАСС» хабар бермоқда.
Айтилишича, Туркия ташқи ишлар вазири Мавлуд Чавушўғлу франциялик ҳамкасби билан суҳбат ўтказган. Мулоқот чоғида у Франциянинг Сурия масаласида муқаддам берилган баёнотига нисбатан ўз норозилигини билдирган.
14 февраль куни Франция ТИВ эълон қилган баёнотда Туркия Сурия курдларига қарши олиб бораётган ҳаракатлари танқид остига олинган эди. Жумладан, Туркия курдлар истиқомат қилаётган ҳудудларни ўққа тутишни тўхтатишга чақирилган эди.
Изоҳ (0)