ОПЕКка аъзо бир қатор давлатлар ва Россия мутасаддилари 16 февраль, сешанба куни Қатар пойтахти Доҳада дунё нефть бозоридаги вазият борасида музокаралар ўтказиши ҳақидаги хабарлар асносида нефть нархи кўтарилиб бормоқда. Бу ҳақда «ТАСС» маълум қилди.
Жумладан, Brent туридаги нефтнинг апрель фючерслари 4,91 фоизга ошиб, бир баррели учун 35,03 долларга етган. WTI туридаги нефтнинг март ойи фючерслари эса 4,98 фоизга кўтарилиб, бир баррели учун 30,91 долларни ташкил этган.
ОАВда Россия энергетика вазири Александр Новак ва Саудия Арабистони нефть вазири Али ал-Наимий Доҳада музокаралар ўтказиши ҳақида маълумотлар пайдо бўлди. Венесуэла нефть вазири Эулохио дел Пино ҳам мазкур учрашувда иштирок этиши кутилмоқда.
Изоҳ (0)