Сеул Жанубий Корея ОАВларида 7 февраль куни учирилган Шимолий Корея ракетасида Россияда ишлаб чиқарилган таркибий қисмлар борлиги ҳақида пайдо бўлган маълумот юзасидан изоҳ берди, деб ёзади «Ведомости» Россия ташқи ишлар вазирлигига таяниб. Изоҳда айтилишича, «тегишли хабарлар шак-шубҳасиз дезинформациядир».
«Миллий разведка хизмати Шимолий Кореяга қўшни мамлакатлардан тегишли технология ва таркибий қисмлар кириб борган бўлиши эҳтимолини қайд этди, чунки Шимолий Корея ўз ракеталарида фойдаланиш учун, ракета технологиялари ва таркибий қисмларга эга мамлакатлардан ноқонуний йўл билан бундай технологияларни олиш учун тўхтовсиз чоралар кўришда давом этмоқда», — дейилади изоҳда. «Қўлига бундай маълумотлар келиб тушган баъзи ОАВлар Миллий разведка хизмати хабари маъносини нотўғри талқин қилган ҳолда, уни чоп этган», — дея қўшиб қўйди Жанубий Корея томони.
«Ушбу сабаб бўйича юзага келган тушунмовчилик учун узр сўраймиз», — дейилади изоҳда.
Изоҳ (0)