Туркиянинг жануби-шарқидаги Ширнак провинциясида жойлашган Жизре шаҳрида ўтказилган аксилтеррор ҳаракатлар давомида Курдистон ишчи партиясининг 60 нафар аъзоси ўлдирилди. Бу ҳақда TRT телеканали берган маълумотларга асосан «РИА Новости» хабар қилмоқда.
Маълум қилинишича, туркиялик ҳарбийлар 70 нафар курд жангариси жойлашиб олган ертўлага бостириб кирган. Отишма давомида 60 нафар жангари йўқ қилинган.
Олдинроқ курдларнинг тарафдори бўлган Халқлар демократияси партияси Жизредаги ертўлаларнинг бирида бир неча ўнлаб тинч аҳоли вакиллари беркитиб қўйилганлигини маълум қилиб, улар орасида бўлган ярадорларга тиббий ёрдам кўрсатишни талаб қилган.