OAV: Turkiyaning Jizre shahrida 60 nafar kurd jangarisi yo‘q qilindi

Turkiyaning janubi-sharqidagi Shirnak provinsiyasida joylashgan Jizre shahrida o‘tkazilgan aksilterror harakatlar davomida Kurdiston ishchi partiyasining 60 nafar a’zosi o‘ldirildi. Bu haqda TRT telekanali bergan ma’lumotlarga asosan “RIA Novosti” xabar qilmoqda.

Ma’lum qilinishicha, turkiyalik harbiylar 70 nafar kurd jangarisi joylashib olgan yerto‘laga bostirib kirgan. Otishma davomida 60 nafar jangari yo‘q qilingan.

Oldinroq kurdlarning tarafdori bo‘lgan Xalqlar demokratiyasi partiyasi Jizredagi yerto‘lalarning birida bir necha o‘nlab tinch aholi vakillari berkitib qo‘yilganligini ma’lum qilib, ular orasida bo‘lgan yaradorlarga tibbiy yordam ko‘rsatishni talab qilgan.