«Союз» ракетаси «Глонасс-М» йўлдоши билан Плесецк космодромидан учирилди

Россиянинг «Союз-2.1б» элтувчи ракетаси «Глонасс-М» навигация йўлдоши билан бирга  Архангельск вилоятидаги Плесецк космодромидан 7 февраль, якшанба куни старт олди, дея хабар бермоқда «РБК» мудофаа вазирлигига таяниб.

Ракета Тошкент вақти билан 05:21 да Россия Ҳаво-космик кучлари Космик қўшинлари гуруҳи томонидан учирилди.

«Фрегат» чиқариш блоки 05:31 да сунъий йўлдош билан элтувчи ракетадан ажралиб чиқди. Қурилма бир неча соатдан сўнг орбитага чиқарилди.

«Союз-2.1б»нинг ушбу парвози 2016 йилдаги дастлабкиси бўлди.