Тожикистон-Афғонистон чегараси бўйлаб 5 мингга яқин жангари тўпланди

Душанбеда Қобулга бўйсунмайдиган қуролли отрядлар Тожикистон билан чегара бўйлаб тобора зич жойлашишда давом этиши юзасидан хавотир билдиришмоқда, деб ёзади «ТАСС» Тожикистон Миллий хавфсизлик давлат қўмитасига таяниб.

Уларнинг сони, Тожикистон разведкаси маълумотларига кўра, камида 5 минг жангарини ташкил этади.

Афғонистон ОАВлари мамлакатнинг чегара яқинидаги Имом Соҳиб уездида бир неча юзлаб қуролли хорижий ёлланма қўшинлар пайдо бўлгани ҳақида хабар тарқатгач, Тожикистон Миллий хавфсизлик давлат қўмитаси офицери махсус хизматлар вазиятни диққат билан кузатаётганини ва қўшимча хавфсизлик чораларини кўраётганини таъкидлади.