Ота-бола Тимм ва Mиxаэл ёзги оромгоҳда дам олаётган вақтида Deichhörnchen сўзи ҳақида маълумот керак бўлиб қолди. У ерда интернет бўлмагани сабабли, улар Google’га ушбу сўровни почта орқали хат ёзиб юборишга қарор қилди, деб ёзади «AdMe.ru».
Етти кун ичида уларга жавоб хати келди, у ҳам қўлда ёзилган эди. Улар сўраган сўз ўрнига, Google ходимлари Eichhörnchen (олмахон) сўзини таклиф қилди. Унда Google жамоаси ўзини йўқотиб қўймасдан, вазиятга ҳазил билан ёндашганини кўриш мумкин.
Тахминий таржимаси:
«Салом, Google.
Ҳозир бизда, афсуски, интернет алоқаси йўқ. Биз ёзги оромгоҳдамиз, аммо бир нарса бўйича маълумот керак эди. Бизни Deichhörnchen ҳақидаги барча маълумотлар қизиқтиради — у қандай мавжудот, қаерда яшайди, нима билан озиқланади. Бизнесингиз реклама ҳисобига мавжуд эканлигини ҳисобга олиб, уни хат ичида келтиришингизни сўраймиз.
Олдиндан раҳмат!»
Google’нинг жавоби:
Тахминий таржимаси:
«Ҳурматли Тимм ва Mиxаэл!
Сўровингиз учун раҳмат. Балки, сиз Eichhörnchen’ни назарда тутгандирсиз?
Қуйида қидирув сўровингизга боғлиқ расмлар келтирилмоқда.
Wikipedia: Deichhörnchen — соҳил олмахони, у камёб тур бўлиб, дамбалар бўлмагани туфайли қирилиб кетган.
Реклама: Саволларингиз туғилса, Google’дан фойдаланинг. Иложи бўлса, онлайн тарзда. Ёзги оромгоҳда вақтингиз хуш ўтсин!
Google’нинг офлайн жамоаси (бета-версия).»
Изоҳ (0)