General Motors компанияси Деҳли автосалонида Chevrolet Spark’нинг седан версияси — Chevrolet Essentia’ни намойиш этди. Бу ҳақда «Авто Mail.ru» хабар бермоқда.
Седаннинг олд қисми Ҳиндистонда Chevrolet Beat номи билан сотиладиган Spark’никидан қисман ўзгартирилган, кузовнинг ўртасидан бошлаб қолган қисми эса бутунлай қайта ишланган.
Автомобиль келаси йилдан сериялаб ишлаб чиқарилиши кутилмоқда, техник тафсилотлари ҳозирча маълум эмас. Қайд этишларича, унинг узунлиги тўрт метрдан ошмайди, автомобилнинг базавий позициясида ҳам иккита хавфсизлик ёстиқчаси ва MyLink2 мультимедиа тизими бўлади.
«Chevrolet Essentia Россия бозорида қачон пайдо бўлиши номаълум. 2016 йил мартидан Россияда Spark’нинг фейслифтинг қилинган варианти Ravon R2 номи билан сотилади. Ravon бренди остида Россияга қачондир Essentia ҳам кириб келиши мумкинлигини истисно қилиб бўлмайди», — деб ёзади «Авто Mail.ru».
Изоҳ (0)