GM Uzbekistan’нинг Асакадаги автозаводи фаолияти ҳар йил бошида амалга ошириладиган режа бўйича профилактика ишлари сабаб қисқа муддатга тўхтатилган. Бу ҳақда «Ўзавтосаноат» акциядорлик компанияси ахборот хизмати «Дарё»га маълум қилди.
Аввалроқ ижтимоий тармоқларда GM Uzbekistan’нинг Асакадаги автозаводи ишламаётгани ҳақида хабарлар пайдо бўлганди. «Ўзавтосаноат» ахборот хизматининг қайд этишича, завод ҳар йил бошида профилактика ишлари учун қисқа муддатга ишлаб чиқаришни тўхтатади.
Ҳозирги вақтда Асакадаги автозаводда Т250 (Chevrolet Aveo; экспортга Ravon Nexia номи билан чиқарилиши кутилмоқда) платформасидаги янги моделни ишлаб чиқариш учун сўнгги созлаш ва монтаж ишлари олиб борилмоқда.
«Завод келаси ҳафтадан ўз фаолиятини қайта бошлайди», — дейди «Ўзавтосаноат» ахборот хизмати вакили.
Изоҳ (0)