25 январь куни Facebook асосчиси Марк Цукерберг ижтимоий тармоқдаги саҳифасига ўз кийим жавони суратини жойлади, унда кул рангдаги бир хил футболка ва толстовка (капюшонли енгил устки кийим)лар қатор бўлиб илиниб турганини кўриш мумкин, деб ёзади TJournal.
Суратга ёзган изоҳида миллиардер аниқлик киритишича, у декрет таътилидан кейинги биринчи иш кунида нима кийишни танламоқда.
Цукерберг деярли доимо бир хил кийимда бўлиши билан боғлиқ саволлар анчадан буён ижтимоий тармоқ фойдаланувчиларини қийнаб келади, деб ёзади нашр.
2012 йилда Москвага қилган ташрифи чоғида Facebook асосчиси унда 20 та бир хил футболка борлиги, жавоннинг қолган қисмини эса рафиқасининг буюмлари банд этгани ҳақида гапириб берганди. Шунингдек, у вақтини тежаб, оддий ҳаётда иккинчи даражали қарорларга иложи борича камроқ вақт сарфлашга интилиши, шу йўл билан Facebook устидаги ишлардан чалғимасликка ҳаракат қилишини айтган эди.
Изоҳ (0)