Япониянинг Дошиша университети МДҲ мамлакатлари учун махсус стипендия дастурини тақдим этди

Япониянинг Дошиша университети бизнес бўйича магистратура мактаби (Doshisha Business School) Жануби-Шарқий Осиё халқлари уюшмаси ва Мустақил давлатлар ҳамдўстлигига аъзо мамлакатлар, шунингдек,  Россия фуқаролари учун махсус стипендия дастурини эълон қилди.

Стипендия ҳамда сафар харажатлари Япония таълим вазирлиги томонидан қопланади. Стипендияни қўлга киритган талабаларга ҳар ойда 144 минг иена (тахминан 1230 доллар) стипендия тақдим этилади ҳамда уларнинг Японияга бориш ва ўқишни битиргач, ўз мамлакатига қайтиб кетиш харажатлари тўланади.

Шунингдек,улардан Doshisha Business School’га ариза беришда ва киришда ундириладиган тўлов олинмайди.

Стипендияни қўлга киритиш учун талабаликка даъвогарлар муайян талабларга жавоб бериши керак. Бу ҳақда батафсил маълумотни мана бу манба орқали олиш мумкин:  Стипендия талабларига мос бўлсангиз, у ҳолда 28 январга қадар зарур ҳужжатларни кўрсатилган email манзилига жўнатиш зарур.