Индонезия полицияси Жакартада юз берган портлашларга алоқаси бўлган 12 кишини ҳибсга олди

Индонезия полицияси томонидан Жакартада 14 январда содир этилан терактларга алоқадор бўлган 12 кишини ҳибсга олди. Бу ҳақда Индонезия полицияси берган маълумотларга асосан «ТАСС» хабар қилмоқда.

Индонезия полицияси раҳбари Бадроддин Хаитнинг таъкидлашича, хавфсизлик кучлари 16 январь, шанба куни Жакартада юз берган портлашларга алоқадор бўлган 12 кишини ҳибсга олган. Жиноятчилар Ғарбий ва Марказий Ява ҳамда Шарқий Калимантан провинциялари вакили бўлиб чиқди.

Эслатиб ўтамиз, Индонезия пойтахтида 14 январда содир этилган терактда етти киши ҳалок бўлган, улардан 5 нафари террорчилардир. Полиция маълумотларига кўра, терактни ИШИДнинг жануби-шарқий Осиёдаги минтақавий қаноти етакчиси бўлиш истагидаги Баҳрун Наим ташкиллаштирган.