Тожикистон ҳукумати 40 ёшга тўлмаган фуқароларининг ҳаж зиёратини амалга оширишини тақиқлаш ҳақида қарор қабул қилди. Бу ҳақда «Азия-плюс» хабар беради.
Дин ишлари ва миллий анъаналар, маросимларни тартибга солиш бўйича Тожикистон ҳукумати қошидаги қўмитанинг диний бирлашмалар бошқармаси раҳбари Ҳусайн Шокиров ушбу қарор қабул қилинганлигини тасдиқлади.
Унинг сўзларига қараганда, шу тариқа биринчи навбатда катта ёшдаги фуқароларга ҳаж зиёратини амалга оширишга имкон берилади.
Бир неча йиллар давомида Саудия Арабистони мусулмон мамлакатлари, жумладан, Тожикистон учун ҳам ҳаж зиёратини амалга оширувчилар квотасини қисқартирмоқда. 2015 йилда тожикистонлик зиёратчилар учун квота 6,3 минг кишини ташкил этган эди.
Изоҳ (0)