9 январь, шанба куни соат 4:02 да Тошкент шаҳрида ерости силкинишлари сезилди. Европа—Ўртаер денгизи сейсмология маркази маълумотларига кўра, эпицентри Тошкент шаҳридан 33 километр, Янгийўл шаҳридан 16 километр жанубда бўлган зилзила магнитудаси 4 га тенг.
Қозоғистон миллий маълумот маркази ахборотига кўра, зилзила Чимкент шаҳридан 163 километр узоқликда юз берган, эпицентридаги магнитудаси 4.9 ни, Чимкент шаҳридаги интенсивлиги эса 2 баллни ташкил этган.
Зилзила оқибатида юз берган талофатлар тўғрисида ҳозирча ахборот йўқ.
Эслатиб ўтамиз, 8 январь куни Афғонистонда юз берган ерости силкинишлари Тошкент ва Самарқанд шаҳарларида сезилган эди. «Тошкент» марказий сейсмостанцияси ушбу зилзила интенсивлиги Тошкентда 2 баллга етмагани ҳақида ахборот берганди.
Изоҳ (0)