Футбол бўйича Ўзбекистон олимпия терма жамоаси январь ойида Қатарда бўлиб ўтадиган 23 ёшгача бўлган футболчилар ўртасидаги Осиё чемпионатида икки асосий ўйинчисининг хизматларидан фойдалана олмайди. Бу ҳақда Ўзбекистон Футбол Федерацияси матбуот хизмати хабар бермоқда.
Хабар беришларича, Тошкентнинг «Локомотив» клуби ҳимоячиси Бобур Йўлдошев ва Қаршининг «Насаф» жамоаси аъзоси Одилбек Ҳамробеков тиббий кўрикдан ўта олмаган.
«Уларга Ўзбекистонда футбол билан шуғулланишдан вақтинчалик тийилиш тавсия этилди», — дейилади ЎФФ хабарида.
Изоҳ (0)